einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein468 zwein tieren abe geschunden.er truoc einn kolben alsô grôz daz mich dâ bî im verdrôz. Dô ich im alsô nâhen kam daz er mîn wol war genam,473 zehant sach ich in ûf stân unde nâhen zuo mir gân. weder wider mich sîn muot wære übel ode guot, desn weste ich niht die wârheit,478 und was iedoch ze wer bereit. weder er ensprach noch ich. dô er sweic, do versach ich mich daz er ein stumbe wære, und bat mir sagen mære.483 ich sprach 'bistu übel ode guot?' er sprach 'swer mir niene tuot, der sol ouch mich ze vriunde hân.' 'mahtû mich danne wizzen lân, waz crêatiure bistû?'488 'ein man, als dû gesihest nû.' |