einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6635 sô lasterlîchen âne wer:wan zwêne sint iemer eines her. sold ich joch einen bestân, dâ müese ich angest zuo hân.' Dô sprach der wirt 'ir sît verzaget.6640 daz ir mir iuwer krankheit saget, ich weiz wol wâ von daz geschiht. irn wert iuch mîner tohter niht, niuwan durch iuwern zagen muot. nû vehtent: daz ist alsô guot:6645 wanz ensî daz diu wer iuch ner, sî slahent iuch âne wer.' Dô sprach der gast 'daz ist ein nôt, herre, daz man iuwer brôt mit dem lîbe zinsen sol.6650 nû kumt mir daz alsô wol daz ich enzît strîte sô daz ich iemer bîte, sît mir ze strîtenne geschiht.' nûne sûmder sich niht6655 erne wâfente sich zehant, |