Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

42 âne schaden ir daz tuot:
    mîn vrouwe vrâget wan durch guot."
    daz getwerc wolde ir niht sagen
    unde hiez si stille dagen,
    unde daz si in vermite:
47 si enweste war nâch si rite.
    diu maget lie niht umbe daz
    si enwolde rîten vürbaz,
    den ritter vrâgen mære
    selben wer er wære.
52 daz getwerc werte ir den wec:
    daz sach diu künegîn und Êrec
    daz ez si mit der geisel sluoc
    die ez in der hant truoc,
    über houbet und über hende
57 ze sîner missewende,
    daz si mâl dâ von gewan.
    mit selher antwurt schiet si dan
    wider zuo ir vrouwen
    unde liez si schouwen
62 wie sêre si was geslagen.
[ zurück ]