einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9235 und vaht im nâch dem bluoteûf daz herte stahelwerc. doch er wider in schine ein berc, dô eht im der wer zeran, dô muoste er vor im dan 9240 sînen slegen entwîchen. daz tete er unlasterlîchen. wan ich weiz benamen daz und deheine sache baz, er enwære vergebene sô niht gebert, 9245 er enhæte sich gewert, wære im daz swert ganz beliben. alsus wart er getriben mit gewalte von dem gaste. Êrec begunde eht vaste 9250 rechen den grôzen slac. er ensluoc niht sam er ê phlac, sîn slege wâren grimmeclîch, zagen slegen ungelîch. er gap slac umbe slac, 9255 daz slac neben slage lac. |