einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1921 sus stuont ez umbe sîn lantdaz dar über benamen nie dehein ungewiter ergie: ouch was dâ grôzer gemach, wan man dâ nie wurm gesach: 1926 dâ enwart nie kalt noch heiz, als manz von der wârheit weiz. Gresmurs Fîne Posterne, den sach man dâ gerne, und sîn bruoder Gimoers genant, 1931 der wert Avalôn hiez sîn lant: des sælde was niht kleine, wan er minnete ein feine, diu hiez Marguel. ouch kam Dâvît von Luntaguel: 1936 der herzoge Guelguezins kam dar mit hêrlîcher schar: der Hôhe bois sô hiez sîn gewalt. nû sint iu die herzogen gezalt und die grâven über al. 1941 nû vernemet ouch der künege zal. |