Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3093 du enkumest hin abe niemer mê.'
        den slüzzel warf er in den sê,
        er sprach: 'daz weiz ich âne wân,
        swenne ich den slüzzel vunden hân
        ûz der tiefen ünde,
3098 sô bistû âne sünde
        unde wol ein heilic man.'
        er lie in dâ und schiet er dan.
         Der arme Grêgôrius,
        nû beleip er alsus
3103 ûf dem wilden steine
        aller gnâden eine.
        er enhete andern gemach,
        niuwan der himel was sîn dach.
        er enhete deheinen scherm mê
3108 vür rîfen noch vür snê,
        vür wint noch vür regen
        niuwan den gotes segen.
        im wâren kleider vremede,
        niuwan ein hærîn hemede:
3113 im wâren bein und arme blôz.
[ zurück ]