einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3170 daz ir wort was ein eit.Dâ si besunder lâgen und ir gebetes phlâgen, diu gotes stimme sprach in zuo daz si des næhsten tages vruo3175 Rômære zesamene bæten und in daz kunt tæten waz gotes wille wære umbe ir rihtære. ez wære gesezzen eine3180 ûf einem wilden steine ein man in Equitâniâ (den enweste nieman dâ) vol sibenzehen jâr: ze dem wære vür wâr3185 der stuol vil wol bewant und wære Grêgôrius genant. daz erz in beiden tete kunt, daz meinde daz eines mannes munt niht enmac erziugen wol3190 swaz grôze kraft haben sol. |