einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein416 wan ich bat mich got genern.vil gerne wold ich von dan. do gesach ich sitzen einen man in almitten under in: daz getrôste mir den sin.421 dô ich aber im nâher kam und ich sîn rehte war genam, dô vorht ich in alsô sêre sam diu tier, ode mêre. sîn menneschlîch bilde426 was anders harte wilde: er was einem Môre gelîch, michel unde als eislîch daz ez niemen wol geloubet. zewâre im was sîn houbet431 grœzer dan einem ûre. ez hete der gebûre ein ragendez hâr ruozvar: daz was im vast unde gar verwalken zuo der swarte436 an houbet unde an barte, |