Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9516 daz daz eine lützel oder vil
        gert des daz ander niht wil,
        daz diu ungevuoge geschiht,
        des enist under uns zwein niht.
        von hiute über hundert jâr
9521 gewancte ichs nimmer umbe ein hâr,
        ir wille ensî mîn bestez heil,
        wan daz ist der meiste teil
        rehter vreude die ich hân,
        swâ ich iht des mac begân
9526 dâ ir wille an geschiht:
        des selben wenket si mir niht.
        von diu swenne ich niht tæte
        gerne swie si bæte,
        dâ missetæte ich an mir
9531 michels harter dan an ir.
        und als diu sicherheit ergie,
        von vreuden si mich umbevie.
        si sprach: "wol mir daz ich lebe
        alsô wünneclîcher gebe
9536 der mich got hât gewert.
[ zurück ]