einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich928 des willen harte verre und ervolleten im diu ougen von jâmer alsô tougen. er sprach: >gemahel, ja enist der tôt iedoch niht ein senftiu nôt, 933 als dû dir lîhte hâst gedâht. dû hâst mich des wol innen brâht, möhtestû, dû hülfest mir. des genüeget mich von dir. ich erkenne dînen süezen muot, 938 dîn wille ist reine unde guot, ich ensol ouch niht mê an dich gern. dû maht mich des niht wol gewern daz dû dâ gesprochen hâst. die triuwe die dû an mir begâst, 943 die sol dir vergelten got. diz wære der lantliute spot, swaz ich mich vür dise stunde arzenîen underwunde und mich daz niht vervienge 948 wan als ez doch ergienge. |