einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein7522 enheten sî sich niht genant.'Ei', sprach mîn her Îwein, 'der tac der dâ hiute schein, daz swert daz den slac truoc den ich hiute ûf iuch gesluoc,7527 diu müezen gunêret sîn. her Gâwein, lieber herre mîn, waz mac ich sprechen mêre wan daz ich iuch êre als iuwer rîter und iuwer kneht?7532 daz ist mîn wille und mîn reht. ir hânt mich ofte gêret und ze guote gekêret mîn dinc sô volleclîchen daz man mir in den rîchen7537 mêre guotes hât gejehen danne ez âne iuch wære geschehen. ob ich dâ wider möhte iuch gêren als ez töhte, des wold ich iemer wesen vrô.7542 nune mac ich anders wan alsô |