einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4872 Gâwein, nû wis gemantwiez under uns ist gewant, daz dû mîn næhster vriunt bist, und sûme dich deheine vrist mêre durch die liebe mîn. 4877 sô hilf mir und der künegîn daz wir Êrecken gesehen: sô enmac mir liebers niht geschehen." Gâwein sprach: "herre, enmanet mich niht sô verre, 4882 wan ich der verte willic bin. jâ enlebet er niht den ich vür in iezuo wolde sehen. und lât mir got sô wol geschehen daz ich im immer kume zuo, 4887 ich sage iu, herre, waz ich tuo: ich bringe in, mac ich ins erbiten." sâ zehant si dô riten. Gâweinen brâhte Keiin rehte des endes hin 4892 dâ er in lâzen hâte. |