Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

708 dô ich dâ wider ûf gesaz,
      dô was er komen daz er mich sach.
      vil lûte rief er unde sprach,
      dô er mich aller verrest kôs
      'rîter, ir sît triuwelôs.
713 mirn wart von iu niht widerseit,
      und habent mir lasterlîchez leit
      in iuwer hôchvart getân.
      nu wie sihe ich mînen walt stân!
      den habent ir mir verderbet
718 und mîn wilt ersterbet
      und mîn gevügele verjaget.
      iu sî von mir widersaget:
      ir sult es mir ze buoze stân
      od ez muoz mir an den lîp gân.
723 daz kint daz dâ ist geslagen,
      daz muoz wol weinen unde clagen:
      alsus clag ich von schulden.
      ichn hân wider iuwern hulden
      mit mînem wizzen niht getân:
728 âne schulde ich grôzen schaden hân.
[ zurück ]