einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9686 diu under der pavelûne sazunde dirre der dâ baz an dem strîte gelanc: in sweic der munt, ir herze sanc. diu eine vreuden krône truoc, 9691 diu ander hâte leides genuoc geladen mit herzensêre dâ von daz si niht mêre in dem boumgarten solde sîn und ir âmîs Mâbonagrîn. 9696 ouch want si die hende umbe selhe missewende diu ir manne dô geschach. als si vrouwe Ênîte gesach dort sitzen unde weinen, 9701 nû begunde si dô bescheinen ein wîplîch gemüete. ir vil grôziu güete betwanc eht die süezen daz si si muoste grüezen, 9706 swie doch jener swære. |