einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1277 wir sîn mit gesehenden ougen blint.ez sehent wol alle die hinne sint: ezn wær dan cleine als ein mûs, unz daz beslozzen wær diz hûs, sone möht niht lebendes drûz komen:1282 wie ist uns dirre man benomen? swie lange er sich doch vriste mit sînem zouberliste, wir vinden in noch hiute. suochent, guote liute,1287 in winkeln und under benken. erne mac des niht entwenken erne müeze her vür.' sî verstuonden im die tür. Ein dinc was ungewärlich:1292 sî giengen slahende umbe sich mit swerten sam die blinden. solden si in iemer vinden, daz heten sî ouch dô getân. daz bette enwart des niht erlân1297 sîne ersuochtenz under im gar. |