einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7239 dô hügete er wider ûf die vart.swie guot gemach dâ wære, im was dâ vil swære. der tugenthafte man zewâre er gedâhte von dan 7244 wol alsô balde als er in einem walde wære âne obedach, eine âne allen gemach, dâ den unvalschen degen 7249 beide wint unde regen harte sêre muote. daz kam von dem muote daz im dehein werltsache was vor dem gemache 7254 dâ er ritterschaft vant und dâ er mit sîner hant die sêre muoste urborn. diz leben hâte er erkorn. im was dâ mite lîhte baz: 7259 ez was sîn slâf und sîn maz. |