Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

916 daz ir niht mê beleip
      niuwan eine ir houbetstat.
      diu was ouch alsô besat
      mit tägelîcher huote,
      ez enwelle got der guote
921 mit sînen gnâden understân,
      si muoz ouch die verlorn hân.
       Nû lâzen dise rede hie
      unde sagen wie ez ergie
      dirre vrouwen kinde
926 daz die wilden winde
      wurfen swar in got gebôt,
      in daz leben ode in den tôt.
      unser herre got der guote
      underwant sich sîn ze huote,
931 von des genâden Jônas
      ouch in dem mere genas,
      der drîe tage und drîe naht
      in dem wâge was bedaht
      in eines visches wamme:
936 er was des kindes amme
[ zurück ]