Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

668 daz ir geburt sô ende nam
      daz der nieman wart gewar.
      ez was ein sun daz si gebar,
      der guote sündære
      von dem disiu mære
673 von allerêrste erhaben sint.
      ez was ein wünneclîchez kint.
      ze des kindes gebürte
      was niemen z'antwürte
      niuwan dise vrouwen zwô.
678 der wirt wart dar geladet dô,
      und als er daz kint ersach,
      mit den vrouwen er des jach
      daz nie zer werlde kæme
      ein kint alsô genæme.
683 Nû wurden si alsô drâte
      under in ze râte
      wie ez verholn möhte sîn.
      si sprâchen, diz schœne kindelîn
      daz wære schedelich verlorn:
688 nû wære aber ez geborn
[ zurück ]