Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3644 sus saz er ûf unde reit.
         Nû vuorte sî in mit ir dan
        zuo ir vrouwen, diu nie man
        alsô gerne gesach.
        man schuof im guoten gemach
3649 von cleidern von spîse und von bade,
        unz daz im aller sîn schade
        harte lützel an schein.
        hie hete her Îwein
        sîn nôt überwunden
3654 und guoten wirt vunden.
         Diu vrouwe ouch des niht vergaz
        sîne wolde wizzen daz
        wâ ir salbe wære.
        mit einem lügemære
3659 beredte sich diu wîse maget.
        sî sprach 'vrouwe, iu sî geclaget
        wie mir zer bühsen ist geschehen.
        ez hât der rîter wol gesehen
        wie nâch ich ertrunken was.
3664 wunder ist daz ich genas.
[ zurück ]