einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4357 Nû entwelter dâ niht mê(sîn lewe volget im als ê) und reit unz er ein hûs ersach. dâ was guot rîters gemach. diu burc was harte veste4362 und allen wîs diu beste vür stürme und vür mangen: den berc hete bevangen ein burcmûre hôch und dic. doch sach vil leiden anblic4367 der dâ wirt was genant: im was diu vorburc verbrant unz an die burcmûre gar. nû kam mîn her Îwein dar, als in der wec lêrte.4372 dô er ze dem hûse kêrte, dô wart diu brücke nider lân, und sach engegen im gân sehs knappen wætlîche: sî zæmen wol dem rîche4377 von aller ir getât |