einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6553 dâ was mit volleclîcher kraftwirde unde wirtschaft. Dar under gedâhter iedoch 'ez vert allez wol noch: nû vürht ich aber vil sêre6558 daz ich dise grôze êre vil tiure gelten müeze (der antfanc ist ze süeze), als mir der arge schalc gehiez der mich in die burc liez,6563 des wirtes portenære, unde ouch nâch dem mære als mir die vrouwen hânt gesaget. gehabe dich wol, wis unverzaget: dir geschiht daz dir geschehen sol,6568 und anders niht, daz weiz ich wol.' Dô sî vol gâzen unde unlange gesâzen, dô bette man in, den gesellen allen drin,6573 durch ir gemach besunder. |