einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2634 den wîp ze sun ie gewan.Swer ir jâmer und ir klagen vol an ein ende solde sagen, der müese wîser sîn danne ich. ich wæne ez wære unmügelich2639 daz ez iu mit einem munde iemen vol gahten kunde. sich möhte vil nâch der tôt gemâzet haben ze dirre nôt: den hæten si, wære er in komen,2644 ze voller wirtschaft genomen. in wâren diu beide gesat in glîchem leide, beidiu sêle unde lîp. wâ vriesch ie man oder wîp2649 deheiner slahte swære diu alsô gar wære âne aller hande trôst? diu sêle entsaz den hellerôst, sô was der lîp in beiden2654 bekumbert umbe ir scheiden. |