einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein7474 manegen vîentlîchen slachân ich von iu enpfangen. iuwer haz ist ergangen über iuwern gewissen dienestman. und ichn zwîvel niht dar an,7479 swaz ir mir leides hânt getân, desn wær ich alles erlân, het ich mich enzît genant. wir wâren wîlen baz erkant. herre, ich bin ez Îwein.'7484 dô wonte under in zwein liebe bî leide. sî vreuten sich beide daz sî zesamne wâren komen: daz ir ietweder hete genomen7489 des andern dehein arbeit, daz was ir beider herzeleit. beide trûren unde haz rûmden gâhes daz vaz, und rîchseten dar inne7494 vreude unde minne. |