einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec821 doch er guot ellen trüege,Êrec in von dem rosse schiet ze spotte aller der diet. als Êrecke dô sô wol geschach daz er den ritter nider stach, 826 von im enthielt er hôher baz. daz tete er umbe daz daz ieman des möhte jehen daz im diu schande wære geschehen daz er in ligende hete erslagen. 831 er wolde bezzer wort bejagen: er erbeizte und hiez in ûf stân. zesamene liezen si dar gân. dô sach man si vehten gelîch zwein guoten knehten. 836 daz viur in ûz den helmen vlouc. si vâhten als den liuten touc dies diu grimme nôt gebat: wan si hâten gesat umbe den sige vil hôhez phant: 841 ez galt ze gebenne dâ zehant |