Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2451 im entoht ze herren niht ein zage.
        ezn kam dar nie in einem tage
        sô manec guot rîter alsô dô.
        nû was der herre Keiî vrô
        daz er ze spottenne vant.
2456 er sprach 'her Kâlogrenant,
        wâ ist iuwer neve her Îwein?
        ez schînet noch als ez dô schein
        und ich wænez immer schîne:
        sîn rede was nâch wîne,
2461 dô er iuch hie mit worten rach.
        ouwî wie er sluoc und stach!
        wær im ein trinken noch getragen,
        er hete zwelf risen erslagen.
        sîner manheit der ist vil.
2466 deiswâr ober iuch rechen wil,
        sô sûmet er sich.
        der iuch dâ richet, daz bin ich.
        ich muoz eht aber die nôt bestân,
        als ich vil dicke hân getân
2471 dâ ich vür mînen vriunt stuont.
[ zurück ]