Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

967 noch zuo mir gesellen,
      wir enden swaz wir wellen.
      ich ensage dir niht mêre,
      wan du merke mîne lêre;
      des gewinnest dû noch ruon.
972 sage mir, lîp, ob dû ez wellest tuon.“
      Herze, ich enweiz waz ich dir sage,
      wan daz ich ez gote klage
      daz dû mich gar unversolt
      sus missehandeln solt
977 als ich ein wunder habe getân;
      ez wære under friunden guot verlân.
      ouch zæme ez einem meister wol,
      swâ er ieman lêren sol
      tugent oder êre,
982 daz er im die lêre
      mit zühten vor trüege;
      daz wære iedoch gefüege.
      nû strâfest dû mich als dînen kneht.
      ez was ie under friunden reht
987 daz sî scheltwort vermiten
[ zurück ]