Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

367 unz der selbe bûman
       alsus vrâgen began.
       Er sprach: >lieber herre mîn,
       möhtez mit iuwern hulden sîn,
       ich vrâgete vil gerne:
372 sô vil zuo Salerne
       von arzenîen meister ist,
       wie kumet daz ir deheines list
       ziuwerm ungesunde
       niht gerâten kunde?
377 herre, des wundert mich.<
       dô holte der arme Heinrich
       tiefen sûft von herzen;
       mit bitterlîchem smerzen,
       mit selher riuwe er dô sprach,
382 daz im der sûft daz wort zebrach:
       >ich hân den schämelîchen spot
       vil wol gedienet umbe got.
       wan dû sæhe wol hie vor
       daz hôch offen stuont mîn tor
387 nâch werltlîcher wünne
[ zurück ]