einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein363 mit der juncvrouwen ezzen.ouch enwart dâ niht vergezzen wirn heten alles des die kraft daz man dâ heizet wirtschaft. man gap uns spîse, diu was guot,368 dâ zuo den willigen muot. Dô wir mit vreuden gâzen und dâ nâch gesâzen, und ich im hâte geseit daz ich nâch âventiure reit,373 des wundert in vil sêre, und jach daz im nie mêre dehein der gast wære komen von dem er hæte vernomen daz er âventiure suochte,378 und bat daz ich des geruochte, swenn ich den wec dâ wider rite, daz ich in danne niht vermite. dâ wider het ich deheinen strît: ich lobet ez und leistez sît.383 Dô slâfennes zît wart, |