einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1536 vil schiere wart des einen mê:vrou Minne nam die obern hant, daz sî in vienc unde bant. si bestuont in mit überkraft, und twanc in des ir meisterschaft1541 daz er herzeminne truoc sîner vîendinne, diu im ze tôde was gehaz. ouch wart diu vrouwe an im baz gerochen danne ir wære kunt:1546 wan er was tœtlichen wunt. die wunden sluoc der Minnen hant. ez ist der wunden alsô gewant, sî wellent daz sî langer swer dan diu von swerte ode von sper:1551 wan swer von wâfen wirt wunt, der wirt schiere gesunt, ist er sînem arzte bî: und wellnt daz disiu wunde sî bî ir arzte der tôt1556 unde ein wahsendiu nôt. |