Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1915 deist nâhen bî Britanje,
        und grâve Libers von Treverîn
        mit zehenzec gesellen sîn,
        der rîche grâve Gundregoas
        und der herre Maheloas,
1920 von dem glesînen werde genant.
        sus stuont ez umbe sîn lant
        daz dar über benamen nie
        dehein ungewiter ergie:
        ouch was dâ grôzer gemach,
1925 wan man dâ nie wurm gesach:
        dâ enwart nie kalt noch heiz,
        als manz von der wârheit weiz.
        Gresmurs Fîne Posterne,
        den sach man dâ gerne,
1930 und sîn bruoder Gimoers genant,
        der wert Avalôn hiez sîn lant:
        des sælde was niht kleine,
        wan er minnete ein feine,
        diu hiez Marguel.
1935 ouch kam Dâvît von Luntaguel:
[ zurück ]