Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4134 "ir sult mich des geniezen lân,
        und hete ich des niht getân,
        sô hætet ir den lîp verlorn:
        von diu wærez niht guot verborn.
        ich solz iemêre wol bewarn."
4139 nû hôrte si si zuo varn
        mit zornigem muote.
        swie niuwelîch diu guote
        warnen verlobet hæte,
        daz gelübede beleip unstæte,
4144 wan si zebrach ez dâ zehant,
        als si betwanc der Triuwen bant.
        dannoch wâren si verre.
        si sprach: "lieber herre,
        dir rîtet michel her nâch.
4149 si wellen dir schaden: in ist sô gâch."
        nû endarf niemen sprechen daz,
        von wanne kæme daz diu vrouwe baz
        beide gehôrte und gesach.
        ich sage iu von wiu daz geschach.
4154 diu vrouwe reit gewæfens bar:
[ zurück ]