einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec831 er wolde bezzer wort bejagen:er erbeizte und hiez in ûf stân. zesamene liezen si dar gân. dô sach man si vehten gelîch zwein guoten knehten. 836 daz viur in ûz den helmen vlouc. si vâhten als den liuten touc dies diu grimme nôt gebat: wan si hâten gesat umbe den sige vil hôhez phant: 841 ez galt ze gebenne dâ zehant minner noch mêre wan beide lîp und êre. dem tâten si vil gelîch. ir vehten was manlîch. 846 des triben si vil und genuoc, unz daz Îdêrs Êrecken sluoc ûf den helm, daz er gie von dem slage ûf diu knie. als vrouwe Ênîte daz ersach, 851 grôz wart ir ungemach. |