einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1180 hin vuorte er si anderstunt in sîn heimlich gemach, dâ ez ir herre niene sach, und beslôz im vor die tür und warf einen rigel vür; 1185 er enwolde in niht sehen lân wie ir ende solde ergân. in einer kemenâten, die er vil wol berâten mit guoter arzenîe vant, 1190 er hiez die maget dâ zehant abe ziehen diu kleit. des was si vrô und gemeit, si zarte diu kleider in der nât. schiere stuont si âne wât 1195 und wart nacket unde blôz; si enschamte sich niht eins hâres grôz. Dô si der meister ane sach, in sînem herzen er des jach daz schœner krêâtiure 1200 al der werlte wære tiure. |