Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2098 mit ander sîner vrümekheit,
        und rætestû mirz danne,
        ich nim in zeinem manne.'
         Sî sprach 'ez dunket mich guot
        und gan iu wol daz ir den muot
2103 sô schône hât verkêret.
        ir sît mit im gêret
        und endurfet iuchs niemer geschamen.'
        sî sprach 'nû sage mir sînen namen.'
        'vrouwe, er heizet her Îwein.'
2108 zehant gehullen sî in ein.
        sî sprach 'deiswâr, jâ ist mir kunt
        sîn name nû vor maneger stunt:
        er ist sun des künec Urjênes.
        entriuwen ich verstênes
2113 mich nû alrêrst ein teil:
        und wirt er mir, sô hân ich heil.
        weist aber dû, geselle,
        rehte ob er mich welle?'
        'er wolde wærez nû geschehen.'
2118 'sage, wenne mag ich in gesehen?'
[ zurück ]