Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2903 daz sich iuwer êre
        breite unde mêre.
        irte iuch etewenne daz guot
        michels harter dan der muot,
        nû muget ir mit dem guote
2908 volziehen dem muote.
        nû sît biderbe und wol gemuot:
        sô wirt diu rîterschaft noch guot
        in manegem lande von uns zwein.
        des volget mir, her Îwein.'
2913 Nû versuochter zehant
        an die vrouwen daz er vant:
        wan dô sîn bete was getân,
        done hete sî des deheinen wân
        daz er sî ihtes bæte
2918 wan daz sî gerne tæte.
        daz geweren rou sî dâ ze stat,
        dô er sî urloubes bat
        daz er turnieren müese varn.
        sî sprach 'daz sold ich ê bewarn':
2923 done mohte sis niht wider komen.
[ zurück ]