Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5706 der sprach 'vrouwe, ich enmac
        iu ze staten niht gestân,
        wand ich grôz unmuoze hân
        von anderen dingen:
        diu muoz ich volbringen.
5711 wæret ir mir ê komen
        ê ich mich hete an genomen
        ander hande arbeit,
        iu wær mîn helfe gereit.'
         Dô sî dâ kempfen niene vant,
5716 dô kam sî zehant
        vür den künec Artûs.
        sî sprach 'sît ich hie ze hûs
        niht kempfen mac gewinnen,
        dochn wold ich niht von hinnen
5721 ichn næme ê urloup von iu.
        ouch ensol ich von diu
        mîn rehtez erbe niemen lân
        daz ich hie niemen vunden hân.
        mir ist sô grôziu manheit
5726 von dem rîter geseit
[ zurück ]