Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6645 wanz ensî daz diu wer iuch ner,
        sî slahent iuch âne wer.'
         Dô sprach der gast 'daz ist ein nôt,
        herre, daz man iuwer brôt
        mit dem lîbe zinsen sol.
6650 nû kumt mir daz alsô wol
        daz ich enzît strîte
        sô daz ich iemer bîte,
        sît mir ze strîtenne geschiht.'
        nûne sûmder sich niht
6655 erne wâfente sich zehant,
        und nâch dem orse wart gesant.
        daz was die naht sô wol bewart
        daz ez nie bî im enwart
        gekunrieret alsô schône.
6660 daz ims doch got niht lône
        der daz sô vlîzeclîchen tete!
        wand ez was ân des gastes bete.
        der dinge verkêret sich vil,
        daz einer dem andern schaden wil
6665 und daz er im vil gar gevrumt:
[ zurück ]