Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7419 daz er imz lâzen solde.
        nû versprach er swaz ez im bôt.
        sîner habe was im unnôt:
        alsô vuorte erz von dan.
        nû huop der wênige man
7424 von jâmer alsô grôzen schal
        daz im der berc engegen hal.
        daz satellîn daz dar ûf lac,
        swer daz mit golde widerwac,
        nâch sînem rehte erz niht galt.
7429 dâ von wirt iu niht mê gezalt,
        daz ich die rede iht lenge,
        wan ez was doch ze enge
        einem gewahsen man.
        und als erz ûz dem walde dan
7434 ze Penefrec brâhte,
        er gapz den ers gedâhte,
        sînen swesteren zwein:
        dar an ez vil wol schein
        daz er si liep hâte,
7439 wan ez truoc sanfte und drâte
[ zurück ]