Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3455 mit bluote zallen stunden
        von den vrischen wunden.
        daz was sîn swerendiu arbeit,
        âne ander nôt die er leit.
        ich gelîche in disen sachen:
3460 als der ein lîlachen
        über dorne spreite,
        man möhte im sam gereite
        allez sîn gebeine
        grôz unde kleine
3465 haben gezalt durch sîne hût.
        swie sêre der gotes trût
        an dem lîbe wære
        verwandelt von der swære,
        nû was der heilige geist
3470 dar an gewesen sîn volleist
        alsô ganzlichen
        daz im niht was entwichen,
        er enhæte sîn alten
        kunst unz her behalten
3475 von worten und von buochen.
[ zurück ]