einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec315 daz er den gast sô arm enthielt.dem kinde rief er dar. er sprach: "genc und bewar dises herren pherit, tohter mîn, der unser gast geruochet sîn, 320 und begenc ez sâ ze vlîze daz ich dirz iht verwîze." si sprach: "herre, daz tuon ich." der megede lîp was lobelich. der roc was grüener varwe, 325 gezerret begarwe, abehære über al. dar under was ir hemde sal und ouch zebrochen eteswâ: sô schein diu lîch dâ 330 durch wîz alsam ein swan. man saget daz nie kint gewan einen lîp sô gar dem wunsche gelîch: und wære si gewesen rîch, sô gebræste niht ir lîbe 335 ze lobelîchem wîbe. |