einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9751 nâch der phafheit in daz lantdaz man si begrüebe nâch êren. hie begunde sich êrste mêren diu vreude ûf Brandigân. diz was von schulden getân. 9756 wan alsô schiere diz erschal in daz lant über al, von selhem mære daz des hoves vreude wære widere gewunnen 9761 der in was zerunnen, des küneges mâge und dienestman die vuoren ze hove alle dan mit den lantvrouwen die niuwen genâde schouwen. 9766 hie samenten sich die besten. der wirt mit sînen gesten, die er dar mohte bringen, erbiten und betwingen, si macheten ein hôchzît 9771 diu mit wirtschefte sît |