Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3892 ist daz ir mir bescheinet
        ob ir die rede meinet
        mit etelîcher sicherheit,
        sô bin ich iuwer bete bereit."
        der rede was der grâve vrô.
3897 lachende antwurte er ir sô:
        "ir enmuget iuch des niht erwern,
        wan ich wil iu stæte swern."
        sîn vinger wurden ûf geleit,
        diu vrouwe gap im den eit:
3902 ouch gap si im dâ zestat,
        ze leisten des er gebat,
        ein ungewissez phant,
        ir triuwe an sîne hant.
        als dô diu sicherheit geschach,
3907 mit listen vrouwe Ênîte sprach:
        "herre, nû râte ich iu wol,
        als ein vriunt dem andern sol,
        wan ich nû deheinem man
        guotes alsô iu gan,
3912 ir volget mîner lêre,
[ zurück ]