Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6837 nû begunde sich Guivreiz verstân
        ze jungest an dem mære
        daz ez Êrec wære.
        noch enwas er niht entslâfen.
        vil lûte schrê er: "wâfen!
6842 welh ein schade muoz ergân,
        und sol den lîp verlorn hân
        der beste ritter der darf leben!
        im enwelle got genâde geben,
        wirt ez dem lantvolke kunt,
6847 si ermürdent in zestunt.
        ouwê, möhte ich im vor sîn.
        daz würde mînem vriunde schîn.
        doch wirt ez versuochet,
        ob es got geruochet."
6852 nû wâfente er sich drâte
        und swaz er ritter hâte.
        nû wart ir wol in der zal
        drîzec ritter über al.
        diu ros brâhte man in dô.
6857 zwîvelhaft und unvrô
[ zurück ]