Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1082 unde sich vil wol bewarn
        vor der selben slegetür,
        daz man den lîp dâ niht verlür.
        sweder ros od man getrat
        iender ûz der rehten stat,
1087 daz ruorte die vallen und den haft
        der dâ alle dise kraft
        und daz swære slegetor
        von nidere ûf habte enbor:
        sô nam ez einen val
1092 alsô gâhes her zetal
        daz im nieman entran.
        sus was beliben manec man.
        dâ reit der wirt vor im in.
        der hete die kunst und den sin
1097 daz im dâ von niht arges enwar:
        wander meistert ez dar.
        ez was swære unde sneit
        sô sêre daz ez niht enmeit
        ezn schriete îsen unde bein.
1102 nune kunde sich her Îwein
[ zurück ]