Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1444 daz gesmîde sam ez solde
        von rôtem golde.
        waz sol des langiu mære
        wie daz geworht wære?
        des muoz ich iuch vil verdagen:
1449 wan solde ichz iu allez sagen,
        sô würde der rede ze vil.
        den lop ich iu enden wil
        mit vil kurzen worten:
        die darmgürtel wâren borten.
1454 als ez im gezogen wart,
        diu reise wart niht mê gespart.
        vrouwe Ênîte urloup nam,
        als einem kinde wol gezam,
        vil heize weinende,
1459 ze rîten in ellende
        von ir lieben muoter.
        diu sprach: "rîcher got vil guoter,
        dû geruoche mînes kindes phlegen."
        mit triuwen langer wart der segen.
1464 nû errahte daz scheiden
[ zurück ]