einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius949 der wint wart alsô grôzdaz si kleine noch grôz mohten gevâhen. si begunden wider gâhen. in der widerreise954 vunden si ûf der vreise sweben des kindes barke. nû wunderte si vil starke wie si dar komen wære alsô liute lære.959 si zugen dar zuo sô nâhen daz si dar inne sâhen ligen daz wênige vaz. dar ûz huoben si daz und leitenz in daz schef zuo in:964 diu barke ran lære hin. Daz wintgestœze wart sô grôz daz si ûf dem sê verdrôz. diu state enmohte in niht geschehen daz si hæten besehen969 waz in dem vazze wære. |