Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3263 dannoch niht volleclîchen liez,
        daz im ein garzûn widerstiez,
        der einen guoten bogen truoc:
        den nam er im und strâlen gnuoc.
        als in der hunger bestuont,
3268 sô teter sam die tôren tuont:
        in ist niht mêre witze kunt
        niuwan diu eine umbe den munt.
        er schôz prîslichen wol:
        ouch gie der walt wildes vol:
3273 swâ daz gestuont an sîn zil,
        des schôz er ûz der mâze vil.
        ouch muose erz selbe vâhen,
        âne bracken ergâhen.
        sone heter kezzel noch smalz,
3278 weder pfeffer noch salz:
        sîn salse was diu hungers nôt,
        diuz im briet unde sôt
        daz ez ein süeziu spîse was,
        und wol vor hunger genas.
3283 Dô er des lange gepflac,
[ zurück ]