Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

870 daz ich im sîniu wort vertrage.
      ouch enhebet er niht den strît
      der den êrsten slac gît:
      unz in der ander vertreit,
      sô ist der strît hin geleit.
875 ichn wil mich mit dem munde
      niht gelîchen dem hunde,
      der dâ wider grînen kan,
      sô in der ander grînet an.'
       Hie was mit rede schimpfes vil.
880 ouch hete der künec ûf sîn zil
      geslâfen und erwachte sâ,
      unde enlac ouch niht langer dâ.
      er gienc hin ûz zuo in zehant,
      dâ er sî sament sitzen vant.
885 sî sprungen ûf: daz was im leit
      und zurnde durch gesellekheit:
      wander was in weizgot verre
      baz geselle dan herre.
      er saz zuo in dâ nider.
890 diu künegin saget im her wider
[ zurück ]