Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6639 Dô sprach der wirt 'ir sît verzaget.
        daz ir mir iuwer krankheit saget,
        ich weiz wol wâ von daz geschiht.
        irn wert iuch mîner tohter niht,
        niuwan durch iuwern zagen muot.
6644 nû vehtent: daz ist alsô guot:
        wanz ensî daz diu wer iuch ner,
        sî slahent iuch âne wer.'
         Dô sprach der gast 'daz ist ein nôt,
        herre, daz man iuwer brôt
6649 mit dem lîbe zinsen sol.
        nû kumt mir daz alsô wol
        daz ich enzît strîte
        sô daz ich iemer bîte,
        sît mir ze strîtenne geschiht.'
6654 nûne sûmder sich niht
        erne wâfente sich zehant,
        und nâch dem orse wart gesant.
        daz was die naht sô wol bewart
        daz ez nie bî im enwart
6659 gekunrieret alsô schône.
[ zurück ]