einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage1453 iedoch mîn selbes vîent niht,ob mir liep von ir geschiht, daz ich mir gerne enphremde guot: daz wirdet doch vil wol behuot. Ouwê, waz hân ich getân!1458 jâ wæne ich mich vergâhet hân daz ich sô nâhen sprechen sol. si engunde mirs danne wol, wære ich ie selhes heiles wert des doch mîn gemüete gert,1463 mîn rede wære ir von rehte zorn; wan und hæte got verlorn einen engel von sînen rîchen, jâ möhte sî sich im gelîchen, und mit ir nâch grôzen êren1468 sîn here wider mêren, wan si zæme wol an engels stat. ouch hân ich in den muot gesat daz ich vil lîhte werde wert swes ein man von rehte gert.1473 ein gedanc sol mir wesen guot: |